مثالی پولیس کا شہری پرتشدد کے ساتھ ساتھ پرچہ بھی دے دیا

 

مثالی پولیس شہری کو تشددکا نشانہ بنانے کے بعد پرچہ بھی دے دیا

خیبرپختونخواہ کی مثالی پولیس نے مانسہرہ میں شہری کو تشدد کا نشانہ بنانے کے بعد پرچہ بھی دے دیا۔ دو نہیں ایک پاکستان مثالی پولیس کی اخپل بادشاہی، ایک چوری اوپر سے سینہ زوری میڈیکل سٹور کے باہر گاڑی کھڑی کرکے ادویات لینے والے شخص اور میڈیکل سٹورمالک پر تشدد، ٹریفک پولیس مانسہرہ کی طرف سے الٹا متاثرین کے خلاف رپورٹ درج ورثاء کا احتجاج، عدلیہ اور اعلیٰ حکام سے غیرجانبدرانہ انکوائری اور داد رسی کا مطالبہ، تفصیلات کے مطابق گزشتہ روز سابق صدر وراہنما میڈیکل سٹورز ایسوسی ایشن سردار شاہ زمان نے دیگر کیمسٹ برادری کے ہمراہ پرہجوم پریس کانفرنس کرتے ہوئے کہا کہ گزشتہ چھتیس سال سے شعبہ کیمسٹ میں خدمات سرانجام دے رہے ہیں۔ انہوں نے کہا کہ گزشتہ روز ضلع کی مثالی ٹریفک پولیس کے اہلکار وقاص نے حیدرمیڈیکل سٹور پر انتہائی سیریس حالت کے بیمار بچے کے لئے ادویات لینے کے لئے آنے والے شخص عارف ولد منصور کی گاڑی سے چابی نکال دی اور فورا غائب ہوگیا جس کو بڑی مشکل سے ڈھونڈ کرلایا گیا اور گاڑی کی چابی کامطالبہ کیا جس پر مذکورہ ٹریفک پولیس اہلکار سیخ پاء ہوگیا اور نازیبا الفاظ کے ساتھ گالم گلوچ پر اتر آیا موقع کثیرتعداد میں جمع تاجر برادری نے سمجھانے کی کوشش کی تو ہاتھ پائی شروع کردی اور بعدازاں تھوڑے فاصلے پر جاکر ٹی او شہزاد کی ملی بھگت سے وردی کے بٹن توڑ کرآگیااور تھانہ سٹی مانسہرہ میں جھوٹی وبوگس ایف آئی آر مریض بچے والد عارف ولد منصور اور مالک میڈیکل سٹور نعمان حیدر ولد حیدرزمان ساکنان چن کے خلاف رپورٹ درج کروا دی اور سے گرفتار کرکے لئے گئے جیسے بہت بڑے دہشت گرد پکڑ لئے ہوں، کیمسٹ برادری کے رہنما سردار شاہ زمان نے کہا کہ ہم بھی اسی وطن کے شہری وٹیکس دہندہ ہیں بے گناہ افراد کو پابند سلاسل کردیا جوکہ قابل مذمت اقدام ہے ان کا مزید کہنا تھا کہ ایسے اقدامات عوام اور پولیس کے درمیان غلط فہمیاں اور دوریاں پیدا کرنے کے لئے کئے جارہے ہیں۔ ایسے اوچھے ہتھکنڈے قابل مذمت وقابل افسوس امر ہیں قانون سب کے لئے برابر ہے لیکن یہاں ایک نہیں دو پاکستان نظریہ کے تحت امیر کے لئے الگ،اور غریب کے لئے الگ قانون ہے۔ ہم ٹیکس دہندہ تاجروں کے ساتھ ایسا ناروا سلوک ناقابل برداشت ہے کیا ہم پاکستانی نہیں ہیں انہوں نے کہا ہے کہ ہمارے پاس موقع کی سی سی ٹی وی فوٹیج اور موقع کے گواہان موجود ہیں جن کے سامنے ٹریفک اہلکار وقاص نے ٹی او شہزاد کی آشیرآباد پر مبینہ ٹریفک پولیس گردی کی۔ انہوں نے کہا کہ ہمیں عدلیہ سے بھرپور انصاف کی توقع ہے سردار شاہ زمان کیمسٹ راہنما نے دیگر کثیر تعداد میں موجود تاجربرادری کے ہمراہ مطالبہ کیا ہے عدلیہ اور اعلیٰ حکام واقعہ کی غیرجانبدرانہ شفاف انکوائری کرکے واقعہ میں ملوث ٹریفک اہلکار وقاص اور ٹی او شہزاد کے خلاف محکمانہ کاروائی عمل میں لاکر ہماری داد رسی کرکے انصاف فراہم کیا جائے۔