پولیس مُلازمین کی ترقیاں کیڈٹ شپ کے غیرقانونی عمل سے متاثر ہورہی ہیں ریاض خان ہزاروی

 

پولیس مُلازمین کی ترقیاں کیڈٹ شپ  کے غیرقانونی عمل سے متاثر ہورہی ہیں ریاض خان ہزاروی

پولیس ملازمین کی ترقیاں ایک ایسے غیرقانونی عمل کی وجہ سے رُکی ہوئی ہیں جس کا سپریم کورٹ آف پاکستان نے بھی نوٹس لیا ہے۔ ستم ظریفی  یہ ہے کہ سپریم کورٹ آف پاکستان کے حکم کے باوجود حکومت خیبرپختونخواہ اس فیصلہ کی خلاف ورزی کرتے ہوئے کیڈٹس کو ترقیاں دینے پر کمربستہ ہے، جیسا کہ کیڈٹ شپ سکیم سے وابستہ ملازمین ترجیحی بنیادوں پر ترقی پاتے ہیں، جس سے رینکرز کی کثیر تعداد متاثر ہورہی ہے، ہزارہ بھرمیں اس سکیم سے متاثرہ ہونے والوں کی تعداد بہت ذیادہ ہے، جہاں اپنی محنت کے بل بوتے پر کانسٹیبل سے  لے کر سب انسپکٹر اور انسپکٹرز کے عہدوں پر پہنچنے والے رینکز تاحال ترقی کے منتظر ہیں، ان میں سے اکثر افراد 2014؁ء سے ترقیوں کے منتظر ہیں جبکہ کیڈٹ شپ کے حامل ملازمین ڈی ایس پی کے عہدوں پر فائز ہوچکے ہیں۔ لہذا ضرورت اس امر کی ہے کہ ایسے افراد کو سابقہ عہدوں پر واپس بھیج کر اُن کی جگہ رینکرز کو ترقی دیتے ہوئے اس بے انصافی کا فوری طور پر ازالہ کیا جائے۔